بيجنگ_10 جنوري(اي پي پي) چين چيو آهي ته تائيون جي معاملي تي ڪڏهن به سمجهوتو نه ڪنداسين نه پويان هٽنداسين،چين آمريڪا ته زور ڀريو آهي ته ڏکڻ چين سمنڊ ۾ پنهنجون فوجي مقرريون ۽ ڇڪتاڻ واريون ڪاروايون گهٽ ڪري، ميڊيا رپورٽن موجب چين جي دفاع واري وزارت واشنگٽن ۾ اعلي آمريڪي فوجي عملدارن سان ٿيل ٻن ڏينهن وارين ڳاليهن کان پوءِ جاري بيان ۾ چيو ته بيجنگ تائيوان جي معاملي تي ڪڏهن ته سمجهوتو نه ڪندو، آمريڪا ڏکڻ چين سمنڊ ۾ ڇڪتاڻ واريون ڪاروايون ۽ تائيوان کي هٿيار فراهم ڪرڻ بند ڪري. آمريڪا کي سامونڊي ۽ هوائي سلامتي جي مسئلن جي بنيادي سببن کي پوري طرح سمجهڻ گهرجي.پنهنجي فرنٽ لائن فوجن تي سختي ڪرڻ گهرجي،ڳالهين ۾ چين جي بنيادي مفادن ۽ عالمي هاٽ اسپاٽ وارن مسئلن بابت چين جي موقف ۽ خدشن کي پڻ واضع ڪيو ويو ،دفاع واري وزارت چيو آهي ته چين برابري ۽ احترام جي بنياد تي آمريڪا سان صحت مند ۽ مستحڪم فوجي لڳاپا قائم ڪرڻ تي رضامندي ظاهر ڪئي آهي.
