سڊني-29 ڊسمبر (اي پي پي)آسٽريليا جي رياست نيو سائوٿ ويلز ۾ 5 گاڏين جي ٽڪرائجڻ سبب 02 ڄڻا اجل جو شڪار ۽ 12 ڄنا زخمي ٿي پيا آهن. چين جي خابرو اداري جي رپورٽ مطابق نيو سائوٿ ويلز پوليس فورس هڪ بيان ۾ ٻڌايو آهي ته سڊني جي اتر اولهه ۾ اٽڪل 156 ڪلوميٽرن جي مفاصلي تي واقع هڪ ننڍي ڳوٺ والير وانگ ۾ گريٽ ويسٽرن هاءِ وي تي 5 گاڏين جي ٽڪرائجڻ سبب 02 ڄڻا اجل جو شڪار ۽ 03 ٻارن سميت 12 ڄڻا زخمي ٿي پيا آهن. زخمين ۽ فوتين کي ويجهي اسپتال منتقل ڪيو ويو آهي. حادثي جو سبب معلوم ڪرڻ لاءِ ماهر تحقيقات ڪري رهيا آهن. حادثي بعد گريٽ ويسٽرن هاءِ وي کي 02 طرفن کان بند ڪيو ويوآهي.
