واشنگٽن-08 ڊسمبر(اي پي پي)دنيا جي اسريل ملڪن آمريڪا،فرانس،برطانيا، ڪينيڊا،جرمني،اٽلي ۽ جاپان تي مشتمل گروپ جي سيون جي اڳواڻن فلسطين اسرائيل تڪرار جي ٻه رياستي حل جي حمايت جو ورجاءُ ڪيو آهي،ٽي آر ٽي موجب جي سيون گروپ جي ورچوئل اجلاس کان پوءِ جاري ڪيل بيان ۾ چيو آهي ته ٻه رياستي حل فلسطين اسرائيل جي منصفاڻي ۽ دير پا امن حاصل ڪرڻ کي قابل بڻائيندو،اجلاس ۾ جي سيون اڳواڻن ايندڙ سال کان روسي هيرن جو آمدني واپار محدود ڪرڻ تي پڻ اتفاق ڪيو،اهو قدم يوڪرين جنگ تي روس خلاف پابنديون سخت ڪرڻ واري پاليسي جو حصو آهي، بيان موجب پهرين جنوري تائين روس ۾ تيار ۽ پراسس ٿيل غير صنعتي هيرن جي آمدني واپار تي پابنديون متعارف ڪرايون وينديون.
