ماسڪو-08 ڊسمبر (اي پي پي)ايراني صدر ابراهيم رئيسي چيو آهي ته غزه جي صورتحال نه صرف وچ اوڀر پر پوري دنيا کي متاثر ڪيوآهي، پرڏيهي خابرو اداري موجب هن ماسڪو ۾ روسي صدر ولاديمير پيوٽن سان ڳالهائيندي چيو ته فلسطين ۾ فوري طور تي جنگ بندي جي ضرورت آهي ۽ نه صرف فلسطين لاءِ پر پوري انسانيت لاءِ هڪ وڏو چيلينج آهي، هن وڌيڪ چيو ته اڄ انسانيت هڪ طرفي قدم ۽ غير منصفاڻي عالمي نظام جو شڪار آهي ۽ فلسطين ان جو هڪ اهم مثال آهي. هن ان ڳالهه تي زور ڀريو ته غزه ۾ اسرائيلي ڪارواين ۾ 06 هزار کان وڌيڪ ٻار شهيد ٿيا آهن، هن چيو ته اها شرم جوڳي ڳالهه آهي ته عالمي تنظيمون جن کي انساني حقن جو تحفظ ڪرڻ گهرجي پنهجو اثر وڃائي چڪيون آهن.
