جده-14 نومبر (اي پي پي) اسلامي تعاون تنظيم (او آءِ سي) اسرائيلي فوج طرفان غزه جي پٽيءَ جي هيڊ ڪوارٽرز جي نئين سر تعمير لاءِ قائم قطري ڪميٽي تي بمباري جي شديد مذمت ڪئي آهي. جده ۾ جاري بيان ۾ او آءِ سي حملي کي فلسطيني شهرين ۽ اسپتالن، اسڪولن، يونيورسٽين، عبادتگاهن، رهائشي گهرن سميت غزه جي پٽيءَ ۾ شهري ملڪيتن کي نشانو نه بنائڻ لاءِ جاري فوجي جارحيت جو قرار ڏنو جيڪو عالمي انساني قانون جي سراسر ڀڃڪڙي آهي. او آءِ سي عالمي برادريءَ کان پنهنجي مطالبي جي تجديد ڪئي ته هو قابض اسرائيل کي عالمي انساني قانون ۽ گڏيل قومن جي لاڳاپيل قراردادن جي پاسداري ڪرڻ تي مجبور ڪري جنهن مان تازا ترين قرارداد گڏيل قومن جي جنرل اسيمبلي 26 آڪٽوبر 23ع تي منظور ڪئي، جنهن ۾ شهرين، ملڪيتن، انساني امداد فراهم ڪندڙ سان گڏوگڏ اثاثن ۽ سهولتن جي تحفظ جو مطالبو ڪيو ويو آهي. او آءِ سي غزه تائين انساني امداد جي فوري، محفوظ، پائيدار ۽ بنا رنڊڪ جي فراهميءَ جو به مطالبو ڪيو.
