تل ابيب -06 نومبر (اي پي پي) اسرائيلي فوج جي ترجمان ڊينيئل هگاري غزه جي پٽي کي ٻن حصن ۾ ورهائڻ جي دعويٰ ڪندي وڌيڪ چيو ته اسان ڪنهن به صورتحال ۽ هر محاذ تي وڙهڻ لاءِ تيار آهيون. سعودي خابرو اداري مطابق هن هڪ ٽيليويزن بيان ۾ چيو ته ايندڙ ڏينهن ۾ وڏا حملا جاري رهندا. هن چيو ته غزه جي پٽي ۾زميني ڪارروائيون ڪندڙ اسرائيلي فوج ان کي ٻن حصن ڏکڻ ۽ اتر غزه ۾ ورهائي ڇڏيو آهي. هن چيو ته اسان راڪيٽ فائر ڪرڻ جي جواب ۾ ڏکڻ لبنان ۾ حزب الله جي ڪيترن ئي ٺڪاڻن کي پڻ نشانو بڻايو آهي.
