نيويارڪ_27 سيپٽمبر(اي پي پي) آمريڪي عدالت اڳوڻي صدر ڊونلڊ ٽرمپ کي دوکي جو ذميوار قرار ڏنو آهي، ميڊيا رپورٽن موجب اڳوڻي صدر ڊونلڊ ٽرمپ ۽ سندس ڪمپني ٽرمپ آرگنائزيشن کي نيويارڪ ۾ ديواني ڪيس ۾ دوکي جو ذميوار قرار ڏنو ويو آهي، نيويارڪ جي جج ٽرمپ جي وڪيل پاران ڪيس کي خارج ڪرڻ جي درخواست کي رد ڪري ڇڏيو، نيويارڪ جي اٽارني جنرل ليٽيا جيمز ڪيس داخل ڪيو جنهن ۾ هن اڳوڻي صدر تي سيپٽمبر 2022 ۾ پنهنجي ڪمپني اثاثن ۽ گڏيل ماليت ۾ غير قانوني اضافو ڪرڻ جو الزام لڳايو ته جئين هو قرض ۽ انشورنس بهتر شرط تي حاصل ڪري سگهجن، سرڪاري وڪيل موجب اڳوڻي صدر جي ان قدم سان ڪمپنين جي اثاثن ۽ گڏيل ماليت ۾ 2.23 بلين ڊالر ۽ 3.6 ڊالر جو اضافو ٿيو.
