جوهانسبرگ -25 آگسٽ (اي پي پي) سعودي عرب جي پرڏيهي وزير شهزاده فيصل بن فرحان چيو اهي ته سندس ملڪ برڪس ملڪن سان وڌيڪ تعاون کي هٿي ڏيڻ جو خواهشمند آهي. سعودي خابرو اداري موجب هن جوهانسبرگ ۾ برڪس سربراهي اجلاس کي خطاب ڪندي چيو ته اسان نوان ترقياتي ۽ معاشي موقعا پيدا ڪرڻ ۽ پنهنجي لاڳاپن کي گهربل سطح تائين وٺي وڃڻ لاءِ گڏيل تعاون کي هٿي ڏيڻ جا منتطر آهيون. هن چيو ته سعودي عرب توانائي جو هڪ قابل اعتماد ذريعو رهندو ۽ هن وٽ توانائي جي مستحڪم منڊين کي برقرار رکڻ لاءِ وسيلا موجود آهن. واضح رهي ته ڏکڻ آفريقا جي صدر سيرل رامافوسا گذريل ڏينهن اعلان ڪيو هو ته ايندڙ سال جي شروعات ۾ سعودي عرب، گڏيل عرب امارتن ۽ ايران سميت 6 نون ملڪن کي برڪس بلاڪ ۾ شامل ڪيو ويندو. انهن ملڪن جي ميمبرشپ جنوري 2024ع کان لاڳو هوندي.
