اسلام آباد- 28 جون (اي پي پي) اسلامي تعاون تنظيم (او آءِ سي) جي سيڪريٽري جنرل حسين ابراهيم طه عيدالاضحيٰ جي موقعي تي مسلمان امت کي مبارڪون ڏيندي نيڪ خواهشن جو اظهار ڪيو آهي. مبارڪن واري پيغام ۾ هن خادم الحرمين الشريفين شاهه سلمان بن عبدالعزيز، ولي عهد ۽ وزيراعظم شهزاده محمد بن سلمان، سعودي عرب جي حڪومت ۽ عوام کي عيد جون مبارڪون ڏنيون آهن. او آءِ سي جي سيڪريٽري جنرل اميد ظاهر ڪئي ته عيدالاضحيٰ سمورن ميمبر ملڪن لاءِ خوشي ۽ محبت جو سبب بڻجندي. هن او آءِ سي جي ميمبر ملڪن وچ ۾ محبت ۽ تعاون کي هٿي ڏيڻ جي اهميت تي زور ڀريو ۽ ان ڏڻ جي موقعي تي امن ۽ خوشي جي خواهش جو اظهار ڪيو.
