اسلام آباد – 27 جون (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته وزيراعظم عمران خان جي قيادت ۾ هٿياربند فوج، قانون لاڳو ڪندڙ ادارن ۽ عوام جي تعاون سان دهشتگردي ۽ انتهاپسندي جهڙي ڪينسر جو خاتمو ڪري چڪا آهيون، محفوظ ۽ بدلجندڙ پاڪستان سان گڏ قانون ۽ آئين جي بالادستي، ادارن جي مضبوطي ۽ هم آهنگي سان اڳتي وڌي رهيا آهيون، دهشتگردي جي خلاف ڪامياب جنگ کانپوءِ هاڻي اسان کي هڪ قوم ٿي معاشي دهشتگردي جو انهي عزم سان مقابلو ڪري ڪاميابي حاصل ڪرڻي آهي، دنيا کي پرامن بڻائڻ جي لاءِ اسان پنهنجو پاڻ کي مشڪل ۾ وجهي دهشتگردي جو مقابلو ڪيو، اڳوڻن دورن ۾ قومي خزاني کي بيگانو ڪريڊٽ ڪارڊ سمجهي استعمال ڪيو ويو، جنهن جون ادائيگيون موجوده حڪومت ڪري رهي آهي. هو پاڪستان نيشنل ڪائونسل آف دي آرٽس (پي اين سي اي) ۾ پاڪستان پيس ڪليڪٽو جي اهتمام هيٺ پينٽنگز جي نمائش جي افتتاحي تقريب کي خطاب ڪري رهي هئي.
