اسلام آباد– 23 مئي (اي پي پي) پاڪستان چيو آهي ته آئيني ترميمن ذريعي ڄمون ۽ ڪشمير جي آئيني حيثيت کي تبديل ڪرڻ جي ڪنهن به ڪوشش کي گڏيل قومن جي سلامتي ڪائونسل جي ٺهرائن جي ڀڃڪڙي تصور ڪيو ويندو، ڀارت ڪشميري عوام جي مرضي ۽ راءِ بنا ڄمون ڪشمير جي حيثيت کي تبديل نٿو ڪري سگهي. ايران ۽ آمريڪا وچ ۾ جاري ڇِڪتاڻ تي گهيري ڳڻتي آهي. پرڏيهي وزير ڀارتي هم منصب سشما سوراج سان ملاقات بابت جلد بيان جاري ڪندو. بنگلاديش حڪومت طرفان پاڪستانين کي ويزا ڏيڻ کان انڪار بابت رپورٽون بي بنياد آهن. اهڙو اظهار پرڏيهي آفيس جي ترجمان محمد فيصل هفتيوار پريس بريفنگ ۾ ڪيو.
