اسلام آباد – 14 نومبر (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته گذريل 10 سالن دوران بلوچستان ۾ تمام گهڻا فنڊز ڏنا ويا پر اڄ بلوچستان جا ڪجهه سينيٽرز چئي رهيا آهن ته مسئلا جيئن جو تيئن آهن، سينيٽ چيئرمين ڪميٽي جوڙي جيڪا بلوچستان جي اربين رپين جي فنڊن جي گهپلن ۽ معاشي دهشتگردي جي جاچ ڪري. سينيٽ جي اجلاس ۾ ڳالهائيندي اطلاعات واري وفاقي وزير چيو ته گذريل 10 سالن دوران بلوچستان ۾ تمام گهڻا فنڊز ڏنا ويا پر اڄ بلوچستان جا ڪجهه سينيٽرز چئي رهيا آهن ته مسئلن جيئن جو تيئن آهن ۽ اهي صحيح چئي رهيا آهن.
