اسلام آباد – 24 سيپٽمبر (اي پي پي) وزيراعظم محمد نواز شريف گڏيل قومن جي جنرل اسيمبلي کي خطاب کانپوءِ پاڪستان ايندي لنڊن پهتو جتي پاڪستاني هاءِ ڪمشنر سيد ابن عباس ۽ هاءِ ڪميشن جي اعليٰ عملدارن سندس استقبال ڪيو. لنڊن کان ملندڙ پڌرائي موجب وزيراعظم لنڊن پهچڻ تي صحافين سان ڳالهه ٻولهه ڪئي ۽ کين ٻڌايو ته والاريل ڪشمير ۾ ڀارت پاران تازين ٿيندڙ انساني حقن جي خلاف ورزين کان دنيا کي آگاهه ڪيو آهي. هن ان موقعي تي ڪشميري عوام جي خواهشن موجب ڪشمير مسئلي کي جلد حل ڪرڻ جي ضرورت تي زور ڏنو.
