اسلام آباد – 08 آگسٽ (اي پي پي) اطلاعات ۽ نشريات واري مملڪتي وزير فرخ حبيب چيو آهي ته وزيراعظم عمران خان جي قيادت ۾ اسد عمر ۽ سندس ٽيم تي ٻڌل نيشنل ڪمانڊ اين آپريشن سينٽر (اين سي او سي) جا 500 ڏينهن مڪمل ٿي ويا، اين سي او سي جي بهترين فيصلاسازي ڪورونا وبا جي اثرن کي منهن ڏيڻ ۾ مددگار ثابت ٿي. مملڪتي وزير فرخ حبيب پنهنجي ٽوئيٽ ۾ چيو ته دستاويزي فلم ۾ ڏسي سگهجي ٿو ته اين سي او سي ڪورونا وبا کي منهن ڏيڻ جي حوالي سان قومي يڪجهتي پيدا ڪئي.
