اسلام آباد – 15 جون (اي پي پي) وزيراعظم عمران خان چيو آهي ته پٺتي پيل طبقي کي غربت مان ڪڍڻ حڪومت جي ترجيحن ۾ شامل آهي، آبادگار ڪارڊ سان ساڍا 12 ايڪڙ تائين جي آبادگارن کي آسان زرعي قرض، ٽيڪنيڪل ٽريننگ، صحت ڪارڊ ذريعي هيلٿ انشورنس ۽ لکين خاندانن کي ٽارگيٽيڊ سبسڊي ڏني ويندي، حڪومت جي ڪاروبار دوست معاشي پاليسين جي ڪري صنعتون قائم ٿيڻ سان نوجوانن کي روزگار جا موقعا ملندا. هن اهڙن خيالن جو اظهار ميانوالي سان تعلق رکندڙ پارليامينٽ ميمبرن ۽ عوامي نمائندن سان ڳالهائيندي ڪيو جن وزيراعظم سان ملاقات ڪئي.
