اسلام آباد – 27 فيبروري (اي پي پي) سائنس ۽ ٽيڪنالاجي واري وفاقي وزير چوڌري فواد حسين چيو آهي ته اسان جي خواهش اهي ته حڪومت ۽ مخالف ڌر ۾ ذاتي مفادن تي نه سڌارن تي ڳالهه ٻولهه ٿئي، مسئلو اهو آهي ته مخالف ڌر جي ايجنڊا رڳو سياسي مفادن تائين محدود رهي ٿي. پنهنجي هڪ ٽوئيٽ ۾ هن چيو ته پنجاب جي سينيٽ چونڊن ۾ (ن) ليگ حڪومت سان مثبت ڳالهه ٻولهه ڪئي، مسئلو اهو آهي ته ايجنڊا رڳو سياسي مفادن تائين محدود رهي ٿي ته فلاڻي کي ٻاهر وڃڻ ڏيو، ڪيسن ۾ ريليف ڏيو وغيره، اسان جي خواهش آهي ته حڪومت ۽ مخالف ڌر ۾ سڌارن تي ڳالهه ٻولهه ٿئي، ذاتي مفادن تي نه.
