نيويارڪ، لندن،برلن، ميڊرڊ، نئين دهلي-03 فيبروري (اي پي پي) سڄي دنيا ۾ ڪورونا وائرس جي وبا سبب فوتگين جو انگ 22 لک 63 هزار تائين پهچي ويو آهي جڏهن ته مختلف ملڪن ۾ موتمار وائرس سبب متاثر ماڻهن جو انگ 10 ڪروڙ 43 لک کان وڌي ويو آهي . گذريل ڏينهن تي آمريڪي سڌ سماءِ جي ذريعن موجب دنيا جي مختلف ملڪن ۾ ڪورونا وائرس جي تصديق ٿيل متاثرن جو انگ 104393004 آهي . وائرس سبب متاثر ملڪن ۾ هيل تائين 2263275 ماڻهو اجل جو شڪار ٿي چڪا آهن . سڄي دنيا ۾ ڪورونا وائرس جي فعال متاثرن جو انگ 25876312 آهي ، ڪورونا وائرس جي وبا سبب آمريڪا سڀ کان وڌيڪ متاثر ٿيو آهي ، ملڪ ۾ ڪورونا وائرس سبب هيل تائين مجموعي انگ دنيا ۾ ڪنهن به ملڪ ۾ سڀ کان وڌيڪ آهي . برازيل ۾ ڪورونا وائرس سبب ٿيندڙ فوتگين جي لحاظ کان ٻين ۽ مريضن جي حوالي سان ٽين نمبر تي آهي . جڏهن ته ڀارت ڪورونا وائرس جي مريضن جي انگ جي اعتبار سان ٻيون ۽ فوتگين جي انگ اکرن سان ٽيون شديد متاثر ملڪ آهي . آمريڪا ۾ موتمار ڪورونا وائرس جي وبا سبب متاثر ماڻهن جو انگ 2 ڪروڙ 70 لک کان وڌيڪ آهي . سڄي ملڪ ۾ وائرس جي وبا سبب فوتگين جو انگ 4 لک 57 هزار کان وڌيڪ آهي. آمريڪا ۾ ڪورونا وائرس جي مريضن جو مجموعي انگ27027347 آهي . جڏهن ته فعال متاثرن جو انگ 9819069 آهي آمريڪا ۾ موتمار ڪورونا وائرس جي وبا سبب هيل تائين 457856 ماڻهو اجل جو شڪار ٿي چڪا آهن .ڀارت ۾ ڪورونا وائرس سبب هڪ ڪروڙ 7 لک 78 هزار کان وڌيڪ ماڻهو اجل جو شڪار ٿي ويا آهن ، ملڪ ۾ ڪورونا وائرس سبب هيل تائين هڪ لک 54 هزار 6 سو کان وڌيڪ ماڻهو اجو جو شڪار ٿي ويا آهن . ڀارت ۾ ڪورونا وائرس متاثرن 10778206 آهي جڏهن ته فعال ڪيسن جو انگ 161865 آهي . ڀارتي صحت واري وزارت موجب ملڪ ۾ ڪورونا وائرس جي نون مريضن جي انگ ۽ فوتگين ۾ گهٽتائي اچي رهي آهي .