اسلام آباد – 25 ڊسمبر (اي پي پي) صدر ممنون حسين چيو آهي ته پاڪستان جي مسيحي برادري ملڪ جي ترقي، استحڪام ۽ خاص طور تي طبي ۽ تعليمي شعبن ۾ جيڪي خدمتون سرانجام ڏنيون آهن، پاڪستاني قوم ۽ پاڪستان جي حڪومت دل سان انهن جو قدر ڪري ٿي. ڪرسمس جي موقعي تي پنهنجي پيغام ۾ صدر چيو ته حضرت عيسيٰ عليه السلام جي ولادت جي ڏهاڙي جي خوشي جي موقعي تي آئون سڄي دنيا، خاص طور تي پاڪستان جي مسيحي برادري کي دل جي گهرائين سان مبارڪباد ڏيان ٿو.
