اسلام آباد – 07 جون (اي پي پي) صدر ممنون حسين چيو آهي ته حقوق الله ۽ حقوق العباد ادا ڪرڻ سان ئي معاشري کي جنت بڻائي سگهجي ٿو، رمضان المبارڪ ۾ ڪيل عبادت ذاتي زندگي ۾ به انسان جو تذڪيو ڪري ٿي ۽ اجتماعي زندگي ۾ به، اهي ٻئي مقصد نظر ۾ رکي ملڪ کي حقيقي خوشين ۽ امن ۽ سک جو گهوارو بڻائي سگهجي ٿو. هن اها ڳالهه رمضان المبارڪ شروع ٿيڻ تي قوم جي نالي پنهنجي پيغام ۾ چئي. صدر رمضان المبارڪ جي بابرڪت مهيني جي شروع ٿيڻ تي پوري مسلمان امت ۽ پاڪستاني قوم کي مبارڪباد پيش ڪندي چيو ته الله رب العزت اسان کي هڪ ڀيرو ٻيهر رمضان المبارڪ جي برڪتن سان فيض ياب ٿيڻ جو موقعو ڏنو آهي جنهن تي اسان الله تعاليٰ جي بارگاهه ۾ شڪراني جو سجدو ڪريون ٿا.
