اسلام آباد – 07 جون (اي پي پي) وزيراعظم محمد نواز شريف چيو آهي ته الله جي فضل ۽ ڪرم ۽ قوم جي دعائن جي برڪت سان آئون صحتياب ٿي رهيو آهيان، هن ڀيري رمضان المبارڪ جي مقدس مهيني جي اچڻ جي موقعي آئون ملڪ کان پري آهيان پر منهنجي دل ملڪ ۽ ان جي رهواسين سان گڏ ڌڙڪي ٿي. رمضان المبارڪ 1437هه شروع ٿيڻ تي قوم کي پنهنجي خصوصي پيغام ۾ هن چيو ته انشاءَ الله تمام جلد توهان جي وچ ۾ هوندس ۽ آئون توهان سڀني کي هن مقدس مهيني جي اچڻ تي مبارڪباد پيش ڪريان ٿو.
