اسلام آباد – 08 ڊسمبر (اي پي پي) صدر ممنون حسين چيو آهي ته بدعنواني جو خاتمو پاڪستاني قوم جي دل جو آواز آهي، حڪومت ۽ ان جا ادارا ملڪ ۾ بنا فرق، شفاف ۽ منصفاڻي احتساب جي لاءِ متحد آهن پر ان جي لاءِ ضروري آهي ته الزام لڳائڻ ۽ بنا جاچ جي الزام لڳائڻ جي رويي کي حوصلا شڪني ڪري انصاف جون گهرجون پوريون ڪرڻ جي روايت وڌي وڃي ۽ ملڪ ۾ قانون جي حڪمراني يقيني بڻائي وڃي. هن اها ڳالهه ايوان صدر ۾ بدعنواني جي خاتمي جي عالمي ڏينهن جي مناسبت سان منعقد تقريب کي خطاب ڪندي چئي. تقريب ۾ نيب چيئرمين جسٽس (ر) جاويد اقبال، پلڊاٽ جي سربراهه احمد بلال محبوب به خطاب ڪيو.
