اسلام آباد – 07 ڊسمبر (اي پي پي) صدر ممنون حسين چيو آهي ته معاشري جو هر ماڻهو دل ۽ جان سان اهو تسليم ڪري وٺي ته ان جي قسمت جو فيصلو صرف ۽ صرف ووٽ جي ذريعي ئي ٿي سگهي ٿو. هن اها ڳالهه ووٽرن جي قومي ڏينهن جي حوالي سان ايوان صدر ۾ منعقد ٿيندڙ تقريب کي خطاب ڪندي چئي. تقريب ۾ گهرو وفاقي وزير ۽ چيف اليڪشن ڪمشنر به شريڪ هئا. صدر ممنون حسين چيو ته اڄ اسان ووٽرن جو قومي ڏينهن ان خوشخبري سان ملهائي رهيا آهيون ته اسان جو چونڊ نظام جديد عهد ۾ داخل ٿي ويو آهي.
