اسلام آباد – 28 نومبر (اي پي پي) تعليم ۽ پيشيواراڻي تربيت واري وفاقي وزير انجنيئر محمد بليغ الرحمان سان راولپنڊي ۽ اسلام آباد جي نجي اسڪولن جي ايسوسيئيشن جي جوائنٽ ايڪشن ڪميٽي جي عهديدارن ملاقات ڪئي آهي. تعليم ۽ پيشيواراڻي تربيت واري وزارت جي ڪميٽي روم ۾ ملاقات دوران شاگردن کي رول نمبر سلپس جاري ڪرڻ ۽ امتحانن سان لاڳاپيل معاملن بابت خيالن جي ڏي وٺ ڪئي وئي. ان موقعي تي فيڊرل بورڊ آف انٽرميڊيئٽ اينڊ سيڪنڊري ايجوڪيشن جو چيئرمين پڻ موجود هو. وفاقي وزير بليغ الرحمان چيو ته نجي اسڪولن جا سمورا مسئلا حل ڪيا ويندا.
