نيويارڪ – 27 سيپٽمبر (اي پي پي) وزيراعظم عمران خان چيو آهي ته ڪشمير جي مستقبل جو فيصلو ڪشميري عوام کي ڪرڻو آهي، ڪشمير ۾ ڪرفيو ۽ پابنديون ختم ٿيڻ کانپوءِ رتوڇاڻ جو خدشو آهي، عالمي برادري کي ڪشمير جي صورتحال تي ڌيان ڏيڻ جي ضرورت آهي، عالمي قيادت ۽ ميڊيا جي ذريعي به ڪشمير جي تازي صورتحال کان آگاهه ڪيو، 30 سالن جي دوران لکين ڪشميرين کي ڪشمير ۾ شهيد ڪيو ويو، ڀارت ۾ رهندڙ ڪروڙين مسلمانن کي به مشڪلاتون درپيش آهن، دنيا ۾ مني لانڊرنگ روڪڻ لاءِ سخت قانون بڻائڻ جي ضرورت آهي، پاڪستان مان پئسو چوري ڪري ٻاهر جي ملڪن ۾ رکيو ويو، مني لانڊرنگ سبب پاڪستان کي مشڪل مالي حالتون درپيش آهن. اهڙن خيالن جو اظهار هُن ايشيا سوسائيٽي جي تقريب کي خطاب ڪندي ڪيو.
