نيويارڪ – 21 سيپٽمبر (اي پي پي) پرڏيهي وزير شاهه محمود قريشي چيو آهي ته وزيراعظم عمران خان جي 7 ڏينهن جي آمريڪا جي دوري جو بنيادي مقصد والاريل ڄمون ۽ ڪشمير ۾ جاري ڀارتي ظلمن کان دنيا کي آگاهه ڪرڻ آهي، وزيراعظم گڏيل قومن جي جنرل اسيمبلي جي اجلاس جي موقعي تي مختلف ملڪن جي سربراهن سان ملاقاتون ڪندو، وزيراعظم فنانشل ورلڊ جي اهم ماڻهن سان پڻ ملاقات ڪندو ۽ مني لانڊرنگ جي حوالي سان پنهنجو موقف ٻڌائيندو ته ڪهڙي طرح وڏن ملڪن کي مني لانڊرنگ ذريعي پئسا موڪليا وڃن ٿا ۽ ٽئين دنيا جا ملڪ غربت جو شڪار ٿين ٿا، صدر ٽرمپ سان پڻ وزيراعظم عمران خان جي ملاقات متوقع آهي. هتي ملندڙ تفصيل موجب هو نيويارڪ ۾ صحافين سان ڳالهائي رهيو هو.
