اسلام آباد – 03 سيپٽمبر (اي پي پي) پيٽروليم ۽ بجلي واري وفاقي وزير عمر ايوب خان ۽ وزيراعظم جي خصوصي معاون نديم بابر واضح ڪيو آهي ته گئس انفراسٽرڪچر ڊولپمينٽ سيس (جي آءِ ڊي سي) جي مد ۾ ڪنهن کي به ضابطن جي خلاف مراعتون نه ڏنيون ويون آهن، ان حوالي سان الزامن ۾ ڪا حقيقت نه آهي، وزيراعظم عمران خان جي قيادت ۾ عوام تي ٽيڪسن جو بار گهٽ ڪرڻ چاهي ٿي. وزيراعظم عمران خان جي صدارت ۾ وفاقي ڪابينا جي اجلاس کانپوءِ وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ سان گڏيل پريس ڪانفرنس کي خطاب ڪندي توانائي واري وزير عمر ايوب خان ۽ ويراعظم جي پيٽروليم واري خصوصي معاون نديم بابر ٻڌايو ته جي آءِ ڊي سي بابت ڪالهه به اسان تفصيل سان ٻڌايو هو اسان ان کي ويڪ واضح ڪري رهيا آهيون ته ڪابينا جي اجلاس دوران وزيراعظم ان ڳالهه ڏک ۽ ڳڻتي جو اظهار ڪيو ته ڪجهه عنصرن پاران غلط ۽ بي بنياد خبرن کي بنياد بڻائي عوام کي حڪومت بابت گمراهه ڪيو وڃي ٿو.
