راولپنڊي – 03 سيپٽمبر (اي پي پي) پاڪ فوج جي سربراهه جنرل قمر جاويد باجوه چيو آهي ته پاڪستان جو مستقبل جمهوريت سان ئي واڳيل آهي، هي تبديلي جي شروعات آهي، دنيا کي ٻڌايو ته جان ڏيندڙ ٻار پيدا ڪندڙ مائرن ۽ پگهر گهرڻ تي رت ڏيندڙ نوجوانن جي ڪري پاڪستان دهشتگردي جي خلاف ڪاميابيون حاصل ڪيون آهن، پاڪستان جي ٺاهڻ ۾ سنڌ جو تمام اهم ڪردار آهي، سنڌ جا جوان اسان جا بهترين، محنتي، وفادار جوان آهن، اسان کي پاڪستان کي اتي وٺي وڃڻو آهي جيڪو ان جو حق آهي، جنهن رخ ۾ نوجوان نسل ويندي پاڪستان ان رخ ۾ ويندو. ڊي جي آءِ ايس پي آر ميجر جنرل آصف غفور جي ٽوئيٽ موجب پاڪ فوج جي سربراهه جنرل قمر جاويد باجوه آءِ ايس پي آر ۾ سڄي سنڌ جي يوٿ جي نمائندن سان ملاقات دوران ڳالهائي رهيو هو.
