اسلام آباد – 28 آگسٽ (اي پي پي) وزيراعظم عمران خان پاڪستان تحريڪ انصاف جي ڪور ڪميٽي جي ميمبرن کي هدايت ڪئي آهي ته پارٽي قيادت ۽ پارليامينٽ ميمبر جمعي تي ڪشميرين سان يڪجهتي لاءِ ٿيندڙ احتجاج جي سلسلي ۾ پنهنجي پنهنجي ضلعي هيڊڪوارٽرز ۾ موجود هجن، ان احتجاج ۾ عوام جي ڀرپور شرڪت کي يقيني بڻائين، اهو احتجاج 27 سيپٽمبر تائين جاري رهندو، ڪشمير جي مسلمانن جي خلاف ٿيندڙ ظلم ۽ ڏاڍ کي هر سطح تي اٿاريو وڃي. پي ٽي آءِ جي ڪور ڪميٽي جو اجلاس وزيراعظم عمران خان جي صدارت ۾ ٿيو.