اسلام آباد – 18 آگسٽ (اي پي پي) گهرو وزارت اندروني سلامتي جي اهم شعبن ۾ قومي داخلي سلامتي ڪميٽي (اين آءِ ايس سي) ۽ قومي انٽليجنس ڪميٽي (اين آءِ سي) قائم ڪئي، سيڙپڪارن ۽ سياحن کي متوجهه ڪرڻ لاءِ وزيراعظم جي ويزن موجب 175 ملڪن لاءِ آن لائن ويزا ۽ اليڪٽرانڪ ويزا سسٽم متعارف ڪرايو ويو، مني لانڊرنگ (ايم ايل)، اسمگلنگ جي روڪٿام ۽ دهشتگردي جي مالي مدد (ٽي ايف) کي روڪڻ لاءِ وفاقي، صوبائي ۽ بارڊر ڪميٽيون جوڙيون ويون. وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ وزيراعظم سيڪريٽريٽ ۾ منقعد هڪ پروقار تقريب دوران پاڪستان تحريڪ انصاف جي حڪومت جو هڪ سال مڪمل ٿيڻ تي ڪارڪردگي رپورٽ جاري ڪئي آهي.
