اسلام آباد – 06 آگسٽ (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته اڄ ڪشميرين جي جدوجهد سان يڪجهتي جو ڏينهن آهي، ڪنهن به فورم تي اڄوڪي ڏينهن سياست نه ٿيڻ گهرجي، ڪشميري ڀينرن ۽ ڀائرن کي خاطري ڪرايون ٿا ته ڪنهن به فورم تي انهن کي اڪيلو نه ڇڏينداسين، وزيراعظم عمران خان ڪشمير جي مسئلي تي عالمي سطح تي اڳواڻن سان رابطي ۾ آهي، قومي جي حيثيت سان پارليامينٽ جي گڏيل اجلاس ۾ ڪشمير بابت هڪ زبان ٿي دنيا جي سامهون بيهنداسين. پارليامينٽ هائوس ٻاهران ميڊيا سان ڳالهائيندي ڊاڪٽر فردوس عاشق اعواڻ چيو ته اڄ جو ڏينهن ڪشميرين جي جدوجهد سان يڪجهتي جو ڏينهن آهي.
