ميانوالي – 19 جولاءِ (اي پي پي) وزيراعظم عمران خان چيو آهي ته موجوده حڪومت جو مقصد عام ماڻهن جي لاءِ آسانيون پيدا ڪرڻ آهي ان سلسلي ۾ ريلوي کي ترقي ڏئي رهيا آهيون، ميانوالي ايڪسپريس جي آغاز سان علائقي جي ماڻهن کي آسان سفر جي سهولت ميسر ايندي، ايم ايل ون منصوبي تي ٽرانسپورٽ جي شعبي ۾ انقلاب ايندو، ملڪ کي ڦريندڙن جي احتساب جو واعدو پورو ڪنداسين، بي نامي ملڪيتون ضبط ٿيڻ شروع ٿي ويون آهن، قوم جو ڦريل پئسو وصول ڪري غريبن جي ڀلائي جي احساس پروگرام تي خرچ ڪيو ويندو. هو ميانوالي ايڪسپريس جي افتتاحي تقريب کي خطاب ڪري رهيو هو.
