اسلام آباد – 19 جولاءِ (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته مسلم ليگ (ن) سياسي منافقت جو شڪار آهي، پريشاني ۽ افراتفري ۾ انهن کي ڪجهه به سمجهه ۾ نه پيو اچي ته انهن کي ڇا چوڻو آهي، هڪ طرف چون ٿا ته وزيراعظم جي ڪهڙي حيثيت آهي ۽ ٻي طرف چون ٿا ته اهو سڀ ڪجهه عمران خان ڪرائي رهيو آهي، تضاد سان ڀرپور دعوائن واري پارٽي جو بيانيو پنچر ٿي ويو آهي، بيگم صفدر صاحبه ! توهان ۽ توهان جي پارٽي جي تاريخ ٺاهن سان لکيل آهي، اهي ٺاهه چاهي ذاتي هجن يا سياسي هجن، پنهنجي بيان ۾ وزيراعظم جي خاص معاون ڊاڪٽر فردوس عاشق اعواڻ چيو ته تاريخي ٺاهن جو شڪار خاندان ڪهڙي منهن سان اصولن جي ڳالهه ڪري ٿو.