ڪراچي – 10 جولاءِ (اي پي پي) وزيراعظم عمران خان چيو آهي ته پاڪستان جي معيشت هاڻي پراڻي طريقي سان نٿي هلائي سگهجي، ڪاروباري برادري جي لاءِ آسانيون پيدا ڪرڻ چاهي ٿي، اسان جي اولين ترجيح غربت جو خاتمو ۽ معاشي عمل کي تيز ڪرڻ آهي جنهن ۾ ڪاروباري برادري جي مدد گهرجي، ڪاروباري برادري حصيدار بڻجي حڪومت سان گڏ ڪم ڪري، هن اها ڳالهه وفاق ايوان صعنت ۽ واپار پاڪستان (ايف پي سي سي آءِ)، ڪراچي چيمبر آف ڪامرس اينڊ انڊسٽري (ڪي سي سي آءِ) ۽ آٽو موٽو سيڪٽر جي وفد سان ڳالهائيندي چئي جنهن ساڻس ملاقات ڪئي. ملاقات ۾ سنڌ جو گورنر عمران اسماعيل، بحري معاملن وارو وزير علي زيدي، وفاقي وزير حماد اظهر، پاڻي وسيلن وارو وزير فيصل واوڊا، واپار وارو صلاحڪار عبدالرزاق دائود، ناڻي وارو وزير ڊاڪٽر عبدالحفيظ شيخ، سڌارن وارو صلاحڪار ڊاڪٽر عشرت حسين، ايف بي آر جو چيئرمين سيد شبر زيدي، بورڊ آف انويسٽمينٽ جو چيئرمين سيد زبير حيدر گيلاني ۽ اسٽيٽ بئنڪ جو گورنر ڊاڪٽر رضا باقر موجود هئا.
