اسلام آباد – 20 جون (اي پي پي) وزيراعظم عمران خان ان ڳالهه تي اطمينان جو اظهار ڪيو آهي ته پاڪ چين سدابهار ۽ آزمايل دوستي مضبوط اقتصادي حصيداري ۾ تبديل ٿي رهي آهي، پاڪستان سي پيڪ منصوبن کي تمام گهڻي اهميت ڏي ٿو ۽ خاص طور تي ان عظيم الشان منصوبي جي ٻئي مرحلي ۾ داخل ٿيڻ سان هر سطح تي رابطن کي وڌيڪ بهتر بڻائڻ جي لاءِ سموريون ڪوششون استعمال ۾ آنديون پيون وڃن. هن اها ڳالهه چين جي 12 هين نيشنل پيپلز ڪانگريس (اين پي سي) جي پرڏيهي معاملن واري ڪميٽي جي نائب صدر چيني اڪيڊمي آف سوشل سائنسز جي انٽرنيشنل ٿنڪ ٽينڪ بيلٽ اينڊ روڊ منصوبي جي ايڊوائيزري ڪميٽي جي سربراهه ڊاڪٽر زائو بيج سان ڳالهائيندي چئي.
