اسلام آباد – پهرين جون (اي پي پي) اسلامي تعاون تنظيم بيت المقدس سميت والاريل فلسطيني علائقن ۾ حقيقتن کي تبديل ڪرڻ ۽ ٻه رياستي حل کي نقصان پهچائڻ بابت اسرائيل جي انهن سمورن غيرقانوني قدمن جي مذمت ڪندي ميمبر ملڪن تي زور ڏنو آهي ته اهي پنهنجا سفارتخانا بيت المقدس منتقل ڪندڙ ملڪن جي خلاف مناسب قدم کڻن. مڪه مڪرمه ۾ اسلامي تعاون تنظيم جي سربراهه اجلاس جي پڄاڻي تي جاري ڪيل گڏيل پڌرنامي ۾ پرامن گڏيل بقاءَ جي ايجنڊا جو مطالبو ڪندي دهشتگردي کي ڪنهن به مذهب يا قوميت سان ڳنڍڻ کي رد ڪيو آهي. پڌرنامي ۾ دهشتگرد تنظيمن جي خلاف آواز اٿارڻ ۽ دهشتگردي جي لعنت تي ضابطو آڻڻ جي اهميت تي زور ڏنو ويو آهي.