اسلام آباد – 03 جون (اي پي پي) صدر ممنون حسين چيو آهي ته پاڪستان ۽ ترڪيءَ ڀائيچاري جي رشتن ۾ ڳنڍيل آهن جنهن جون پاڙون گڏيل تاريخ، مذهب ۽ ثقافت ۾ واڳيل آهن. هن اها ڳالهه ترڪيءَ جي قومي دفاع واري وزير فڪري آئيزڪ سان ڳالهائيندي چئي جنهن وفد جي قيادت ڪندي صدر سان ملاقات ڪئي. صدر ممنون حسين ترڪ صدر رجب طيب اردوان جي جمهوري قدمن کي ساراهيندي بينالي يلدرم جي سربراهي ۾ نئين حڪومت جوڙڻ تي مبارڪباد ڏني. هن فڪري آئيزڪ کي قومي دفاع جو وزير مقرر ٿيڻ تي پڻ مبارڪباد ڏني. صدر چيو ته پاڪستان افغانستان ۾ امن ۽ استحڪام جي لاءِ پرعزم آهي.
