اسلام آباد – 23 مارچ (اي پي پي) صدر ڊاڪٽر عارف علوي چيو آهي ته اڄ اسان اڀرندڙ معاشي قوت سان دفاعي لحاظ کان مضبوط ۽ پرامن ائٽمي طاقت آهيون، اسان دنيا جي سمورن ملڪن جي خودمختياري ۽ سلامتي جو احترام ڪريون ٿا، پاڪستان هڪ حقيقت آهي ۽ ڀارت کي اهو تسليم ڪرڻو پوندو، اسان کي تازي تاريخ ۾ پنهنجي قومي تاريخ جي سڀ کان وڏي چئلينج دهشتگردي کي منهن ڏيڻو پيو. هو پريڊ گرائونڊ ۾ هٿياربند فوج جي گڏيل پريڊ کي خطاب ڪري رهيو هو.
