اسلام آباد – 13 مارچ (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته دهشتگردي تي ضابطو آڻڻ کانپوءِ هاڻي پاڪستان ۾ ڪرڪيٽ سميت راندين جا عالمي مقابلا واپس اچي رهيا آهن، وزيراعظم عمران خان سمورن صوبن کي هدايتون ڏنيون آهن ته تعلقي ۽ يونين ڪائونسل جي سطح تي راندين جا ميدان ٺاهيا وڃن. هو اسپورٽس ڪمپليڪس ۾ سپيريئر گروپ آف ڪاليجز جي اهتمام هيٺ ”اسپورٽس اينڊ ڪلچرل گالا 2019ع“ ۽ نجي ميڊيا گروپ جي اهتمام هيٺ شاليمار ڪرڪيٽ گرائونڊ ۾ ”ڪرڪيٽ ليگ“ جي افتتاحي تقريب کي خطاب ڪري رهيو هو.
