اسلام آباد – 12 مارچ (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته وزيراعظم عمران خان سڀاڻي خميس ڏينهن ترڪيءَ، چين ۽ ملائيشيا سميت 5 ملڪن جي لاءِ ويزا فري منصوبي جو افتتاح ڪندو، ايندڙ مرحلي ۾ 55 ملڪن کي ايئرپورٽ تي ويزا جي سهولت فراهم ڪئي ويندي، ترڪيءَ ۽ پاڪستان جي وچ ۾ گهرا لاڳاپا آهن، عالمي ميڊيا جي پاڪستان ۾ واپسي خوش آئنده آهي، پلواما واقعي کانپوءِ پاڪستان جي بيانيي کي عالمي ميڊيا ۾ ساراهيو ويو آهي. هو ترڪيءَ جي سرڪاري نيوز ايجنسي اناطوليه (اي اي) جي اسلام آباد ۾ آفيس جي افتتاحي تقريب کي خطاب ڪري رهيو هو.
