لاهور – 09 مارچ (اي پي پي) وزيراعظم عمران خان چيو آهي ته اسان وٽ افرادي قوت جي کوٽ نه آهي، ضرورت ان ڳالهه جي آهي ته محنت ڪندڙ ايماندار ماڻهن جي حوصلا افزائي ڪئي وڃي ۽ ڪم نه ڪندڙن جي خلاف ڪارروائي ڪئي وڃي، عوام ۾ ماحولياتي آلودگي جي حوالي سان آگاهي اجاگر ڪرڻ جي سخت ضرورت آهي، سڄي دنيا ۾ اهو ثابت ٿي چڪو آهي ته ماحولياتي آلودگي جي سطح وڌي ٿي ته ماڻهن جي زندگي جا سال گهٽ ٿيڻ شروع ٿين ٿا، اسان کي پنهنجي موجوده ۽ ايندڙ نسلن جو مستقبل محفوظ بڻائڻو آهي. اهڙن خيالن جو اظهار وزيراعظم عمران خان پنجاب صوبي ۾ صاف ۽ سرسبز پاڪستان مهم تي اڳڀرائي جو جائزه اجلاس جي صدارت ڪندي ڪيو.
