اسلام آباد – پهرين مارچ (اي پي پي) پرڏيهي وزير شاهه محمود قريشي او آءِ سي جي پرڏيهي وزيرن واري ڪانفرنس ۾ شرڪت نه ڪرڻ جو اعلان ڪندي چيو آهي ته سڄي مسلمان دنيا جي ان اهم فورم تي هاڻي هيٺين سطح جا عملدار پاڪستان جي نمائندگي ڪندا ته جيئن جيڪڏهن اجلاس دوران ڀارت کي مبصر جو درجو ڏيڻ جي ڪا ڪوشش ڪئي وڃي ٿي ته ان جي ڀرپور مخالفت ڪري سگهجي، پارليامينٽ جي گڏيل اجلاس کي خطاب ڪندي پرڏيهي وزير چيو ته گذريل ڏينهن مخالف ڌر اڳواڻ ميان شهباز شريف ۽ خواجه آصف به او آءِ سي پرڏيهي وزيرن جي اجلاس ۾ ڀارت کي گهرائڻ تي ڳڻتي جو اظهار ڪيو هو ۽ انهن جو مطالبو هو ته پاڪستان کي پنهنجي پوزيشن وٺڻ گهرجي
