اسلام آباد – پهرين فيبروري (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته پاڪستان ڪشميري عوام جي جدوجهد ۾ ماضي ۾ به حمايت ڪندو رهيو آهي ۽ مستقبل ۾ به جاري رکندو ۽ اها حمايت ان وقت تائين جاري رهندي جيستائين ڪشميرين کي خودمختياري واري حق جي منزل حاصل نٿي ٿي وڃي، ڪشمير تي ڀارتي رويي تي پوري دنيا کلي رهي آهي، عمر فاروق ۽ محبوبه مفتي به چوڻ تي مجبور ٿي ويا آهن ته ڪشميرين جون دليون پاڪستان سان گڏ ڌڙڪن ٿيون، اهڙن خيالن جو اظهار هن ايوان قائد ۾ نظريه پاڪستان ڪائونسل ۽ پاڪستان آبزرور جي سهڪار سان ڪشمير ڪانفرنس کي خطاب ڪندي ڪيو.
