اسلام آباد – 23 جنوري (اي پي پي) ناڻي واري وفاقي وزير اسد عمر ملڪ ۾ معاشي، اقتصادي، زرعي ۽ صنعتي استحڪام جي لاءِ ضمني مالياتي (ٻي ترميم) بل 2019ع قومي اسيمبلي ۾ پيش ڪري ڇڏيو آهي، هن قوم کي خاطري ڪرائي آهي ته حڪومت پاران هي ڪا نئين بجيٽ نه آهي هي هڪ سڌارن وارو پئڪيج آهي جنهن سان ملڪي معيشت، زرعي ۽ صنعتي شعبي ۾ استحڪام ايندو. قومي اسيمبلي ۾ ضمني مالياتي (ٻي ترميم) بل 2019ع ايوان ۾ پيش ڪرڻ کانپوءِ ناڻي واري وفاقي وزير اسد عمر چيو ته ماڻهن جي ذهن ۾ اهو خيال آهي ته ڪا نئين بجيٽ آهي، پر هي سڌارا پئڪيج آهي جنهن ذريعي معاشي ۽ صنعتي استحڪام ايندو.
