اسلام آباد – 07 جنوري (اي پي پي) وزيراعظم جي احتساب واري خصوصي معاون شهزاد اڪبر چيو آهي ته سپريم ڪورٽ جو جعلي اڪائونٽس جي حوالي سان جي آءِ ٽي رپورٽ جو فيصلو پاناما ڪيس جي فيصلي سان هڪ جهڙائي رکي ٿو، عدالت جي آءِ ٽي جي سمورين گذارشن کي منظور ڪندي معاملو نيب ڏانهن موڪلي ڇڏيو آهي، عدالت نيب کي 2 مهينن ۾ جاچ مڪمل ڪرڻ جي هدايت ڏني آهي. هو اطلاعات ۽ نشريات واري وفاقي وزير چوڌري فواد حسين سان گڏ پريس انفارميشن ڊپارٽمينٽ ۾ پريس ڪانفرنس کي خطاب ڪري رهيو هو.
