اسلام آباد – 14 ڊسمبر (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته شهباز شريف کي گهرجي ته هو پبلڪ اڪائونٽس ڪميٽي جي چيئرمين جو عهدو قبول نه ڪري ته اهو سٺو ٿيندو، اسيمبلي هلائڻ جي لاءِ مخالف ڌر جو مطالبو پورو ڪيو، حڪومت ملڪي ترقي ۽ معاشي منزل حاصل ڪرڻ جي لاءِ سموريون ڪوششون استعمال ۾ آڻي رهي آهي. پارليامينٽ هائوس جي ٻاهران ميڊيا سان ڳالهائيندي وفاقي وزير چيو ته پبلڪ اڪائونٽس ڪميٽي جي چيئرمين تي اتفاق ٿيو آهي، اخلاقي طور تي ائين نه ٿيڻ گهرجي ته وڏي ڀاءُ جو آڊٽ ننڍو ڀاءُ ڪري.
