اسلام آباد – 13 ڊسمبر (اي پي پي) ناڻي واري وفاقي وزير اسد عمر چيو آهي ته ايندڙ ڏهاڪي ۾ پاڪستان دنيا ۾ ترقي جي حوالي سان اهم مقام تي هوندو، حڪومت جو ڪم ڪاروبار ڪرڻ نه پر سهولتون فراهم ڪرڻ آهي، دنيا ۾ نيون تبديليون اچي رهيون آهن، پاڪستان ۾ ڪاروبار جا تمام گهڻا موقعا موجود آهن ۽ ٽيلينٽ جي ڪا به کوٽ نه آهي، هو وزيراعظم آفيس ۾ پاڪستان بزنس ڪائونسل جي اهتمام هيٺ پاڪستان اڪنامڪ فورم کي خطاب ڪري رهيو هو.
