اسلام آباد – 10 ڊسمبر (اي پي پي) پرڏيهي وزير شاهه محمود قريشي چيو آهي ته پاڪستان ۽ ڀارت جي وچ ۾ ڳالهين کانسواءِ امن جو ڪو ٻيو رستو ناهي، ڀارت عام چونڊن کانپوءِ اتي جيڪا به حڪومت اقتدار ۾ ايندي اسان کي اميد آهي ته اها ڀارتي طرز عمل تي نظرثاني ڪندي، پاڪستان افغانستان ۾ پائيدار امن جو خواهشمند آهي، اسان کي خطي جي ٻين ملڪن سان گڏجي افغانستان ۾ امن قائم ڪرڻ لاءِ سياسي حل ڳولڻو پوندو. قومي اسيمبلي ۾ اٿاريل نقطن جي جواب ۾ شاهه محمود قريشي چيو ته ان جو سياسي حل ڳولڻو پوندو.