راولپنڊي – 30 نومبر (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته مون کي فخر آهي ته اهڙي وزيراعظم جي ڪابينا جو ميمبر آهيان جيڪو مديني جي رياست جي طرز تي پاڪستان کي فلاحي ملڪ بڻائڻ جو ارادو رکي ٿو، ملڪي تاريخ جي هري پهرين حڪومت آهي جنهن ناموس رسالت صه جي تحفظ ۽ دفاع لاءِ لاڳاپيل ملڪن سان سڌو سنئون ڳالهه ڪئي، عشق مصطفيٰ صه کانسواءِ مسلمان جي زندگي ۽ ايمان مڪمل ناهي هوندو ۽ نه ئي هو اهڙو ڪو تصور ڪري سگهي ٿو. هو دربار عاليه عيدگاهه شريف راولپنڊي جي دوري جي موقعي تي ڳالهائي رهيو هو.
