اسلام آباد – 29 سيپٽمبر (اي پي پي) صدر ممنون حسين دهشتگردي ۽ انتهاپسندي جي وڌندڙ خطرن کي منهن ڏيڻ جي لاءِ پاڪستان ۽ بحرين جي وچ ۾ سيڪيورٽي ۽ انٽيليجنس تعاون ۾ اضافي تي زور ڏنو آهي. صدر ها ڳالهه بحرين جي مٿين ايوان جي شوريٰ ڪائونسل جي چيئرمين علي بن صالح الصالح سان ڳالهائيندي چئي جنهن جمعي ڏينهن پنهنجي وفد سان ايوان صدر ۾ ساڻس ملاقات ڪئي. ان موقعي تي سينيٽ چيئرمين رضا رباني ۽ سينيٽر حمد الله سميت ٻيا اعليٰ عملدار به موجود هئا.