اسلام آباد – 15 نومبر (اي پي پي) صدر ڊاڪٽر عارف علوي چيو آهي ته ڪنهن کي به ڇوٽ نه ملڻ گهرجي، آئون پاڻ مٿان داخل ڪيسن تي به عدالت کان صدارتي ڇوٽ نه گهرندس، احتساب جو ڪم نيب جو آهي ۽ نيب ئي اهو ڪم ڪندي، عورتن کي وراثت ۾ حق نه ڏيڻ اسلامي حڪمن جي پڻ خلاف ورزي آهي. اهڙن خيالن جو اظهار هن هڪ نجي ٽي وي چينل جي پروگرام ۾ ڳالهائيندي ڪيو. هن چيو ته آئون سدائين لائين ۾ بيهڻ جو چوندو رهيو آهيان هاڻي پاڻ ڇو خلاف ورزي ڪندس، اسان ته اهي ماڻهو آهيون جيڪي رڪشا ۾ سفر ڪري وٺندا هئاسين ڪجهه ماڻهو چون ٿا ته سيڪيورٽي جي ڳالهه آهي.
